Një 36-vjeçar është arrestuar në Sarandë pasi dyshohet të ketë kryer disa vjedhje, përfshirë vjedhje me anë të mashtrimit.
Sipas policisë, i arrestuari ishte shpallur në kërkim për një vjedhje që kishte ndodhur në një karburant, ku dyshohet se ka marrë naftë për një automjet të marrë me qira pa paguar.
Po ashtu, ai dyshohet se ka vjedhur një shumë parash në dy subjekte tregtare në Ksamil. Ky individ është shpallur në kërkim për veprën penale të “Vjedhjes me anë të mashtrimit”.
