Një 29 vjeçar është arrestuar nga policia e Tiranës ditën e sotme i vënë nën akuzë për trafik droge. Në kuadër të finalizimit me sukses të operacionit të koduar “TUFINA”, në prangat e policisë ka rënë Emiljan Dërvishi 29 vjeç, lindur dhe banues në Tiranë.
Sipas policisë, arrestimi i këtij shetasi u bë pas informacioneve të grumbulluara dyshohej se ky shtetas merej me shitjen e lëndëve narkotike të llojit Heroinë në zonën e Tufinës dhe Shkollës se Bashkuar.
Kapja e 29 vjeçarit u realizua në rrugën e “Dibrës” përballë “Akademisë Ushtarake Skëndërbej”, ku gjatë kontrollit të tij ju gjetën në dore 2(dy) qese me lëndë narkotike e dyshuar si Heroinë dhe në timonin e bicikletës me të cilën lëvizte u gjetën dhe 6(gjashtë) qese të tjera.
Më pas Policia ka ushtruar kontroll në banesën e Dervishit ku u konstatuan dhe u sekuestruan në cilësinë e provës materiale 120 doza me pluhur ngjyrë bezhë e dyshuar lëndë narkotike e llojit Heroinë me peshë të përgjithshme 38 gram dhe dy armë zjarri e konkretisht, një armë zjarri pushkë dhjetshe model 56 dhe një armë zjarri tjetër automatik model 56, 150 copë fishekë. U sekuestrua gjithashtu dhe bicikleta tip Mounting bike me te cilën lëvizte në kryerjen e aktivitetit e tij të paligjshmëm.
Forcat blu, po punojnë për identifikimin dhe dokumentimin e personave të tjerë të cilët kanë bashkëpunuar në aktivitetin kriminal me shtetasin Emiljan Dërvishi.
Materialet i kaluan Prokurorisë së Rrethit Gjyqësor Tiranë për veprime të mëtejshme hetimore për veprat penale të “Prodhimit dhe shitjes se lëndëve narkotike”, “ Prodhimit dhe mbajtjes pa leje e armëve luftarake dhe e municioneve”.
