Tre shqiptarë janë arrestuar mbrëmjen e 20 nëntorit në provincën e Peruxhias në Itali.
Ata janë të moshës 27 deri 35 vjeç dhe akuzohen për trafik droge e vjedhje.
Mediat italiane shkruajnë se ata qëndoronin në vendin fqinj pa dokumente të rregullta.
Pas disa vjedhjeve që ndodhën në Fabriano pasditen e djeshme, policia ndoqi një Alfa Giulietta të raportuar nga banorët dhe u pa duke bërë lëvizje të dyshimta në një zonë lokale.
Makina kishte targa të vjedhura dhe po shkonte drejt një banese. Më pas, nga automjeti, pasi morën disa çanta, pesë persona po shkonin rrugës për në shtëpi, kur karabinierët i urdhëruan që të ndalonin dhe të tregonin dokumentet.
Dy prej tyre arritën që të largoheshin. Nga kontrollet në makinë u gjetën sende të cilat përdoren për grabitje.
Kontrollet vazhduan edhe në shtëpi ku u gjetën sende argjendi dhe stoli të shumta të arta dhe të çmuar, pajisje portative për skanues radio, pasaporta, karta identiteti dhe leje drejtimi të rreme të lëshuara nga autoritetet shqiptare.
/a.r
