Dy shqiptarë janë arrestuar në Perugia dhe një i tretë ka detyrim paraqitjeje në policinë gjyqësore për pengmarrje dhe dhunë seksuale në grup ndaj një 18-vjeçareje me origjinë nga Bregu i Fildishtë.
Hetimet nisën nga policia e Perugias pas denoncimit të bërë nga e reja e gjetur në Strada del Pantano, e shtrirë përtokë, duke qarë. Pranë ndodhej edhe një thikë kuzhine. Ajo u transportua në spital ku u shtrua në repartin e gjinekologjisë.
Një shqiptar, të cilin e kishte njohur më parë, ishte ofruar ta shoqëronte.
Ai e mori nga shtëpia e saj në Arezzo të Firences dhe e çoi në një banesë, në periferi të Perugias, brenda së cilës ishin dy shqiptarët e tjerë.
Aty e reja u detyrua të konsumonte alkool dhe kokainë. Ndërkohë dyshohet se nën këtë efekt ajo u abuzua seksualisht prej tyre.
/a.r
