Zyrtarë sauditë të sigurisë kanë bërë të ditur arrestimin e 431 personave, të dyshuar si pjesëtarë të ISIS. Sipas BBC, ata akuzohen për planifikim të sulmeve kundër forcave të sigurisë dhe nëpër xhami në pjesë të ndryshme të shtetit.
Ministri i brendshëm i Arabisë Saudite ka bërë të ditur se pjesa më e madhe e të arrestuarve janë qytetarë sauditë, por mes të arrestuarve përfshihen edhe gjashtë nacionalitete të tjera, duke përfshirë Jemenin dhe Sirinë.
Arabia Saudite është pjesë e koalicionit anti-ISIS, të udhëhequr nga Shtetet e Bashkuara të Amerikës dhe përkrahë fuqishëm bombardimin e militantëve në Irak dhe Siri.
