Policia e shtetit ka nisur hetimet për incidentet që u shënuan dje përpara Parlamentit. Sipas njoftimit zyrtar të Policisë 40 persona janë arrestuar dhe 28 janë shoqëruar, për aktet e dhunës.
Në tubimit të dhunshëm mbrëmjen e djeshme që zgjati tre orë, protestuesit e opozitës para Kuvendit u përplasën me policinë, ku mbetën të lënduar disa persona.
Sipas Policisë, të arrestuarit akuzohen për ushtrim dhune ndaj policisë dhe mbajtje pa leje të mjete piroteknike, të rrezikshme për jetën e qytetarëve.
Ekspertët që prej momentit kur protesta u mbyll kanë kryer veprimet proceduriale dhe siguruar prova të mjaftueshme për të ngritur akuzat ndaj të arrestuarve. Të shoqëruarit janë marrë edhe në pyetje dhe pritet të lihen të lirë, edhe pse hetimet do të vijojnë.
Protesta e djeshme që ishte e shtata kombëtare e opozitës, nisi me fjalimin e Bashës tek Kryeministria ku militantët hodhën kapsollash ndaj policisë, ndërsa situata më pas agravoi te parlamenti.
Protestuesit shkulën gardhet metalikë dhe goditën policët në vazhdimësi me mjete të forta shpërthyese.
Të gjitha përfaqësitë ndërkombëtare dënuan dhunën, ndërsa kryedemokrati paralajm,ëroi protestën e radhës ditën e shtunë në datë 8 qershor. Por frika mbetet pasi situata mund të përshkallëzohet akoma më shumë pas paralajmërimit të opozitës së koha e fjalëve mbaroi.
Nga Ministria e Shëndetësisë u konfirmuan se të plagosur mbetën 13 persona, 10 prej të cilëve policë dhe 3 qytetarë.
Gjatë protestës së djeshme, policia iu bëri vazhdimisht thirrje në megafon protestuesve dhe organizatorëve të protestës për të mos hedhur lëndë piroteknike pasi rrezikohet jeta e policëve.
Thirrje iu është bërë edhe kreut të PD-së, Lulzim Basha dhe sekretarit organizativ Gazment Bardhi që të marrin masa që protestuesit të ndërpresin veprimet e dhunshme.
g.kosovari
Arrestojeni urgjent Kryevrssesin e Shqiptareve te pafajshem me emrin e urryer Sali Berisha.Zbertheni mbiemrin.Ber= kafshe,isha= kafshe isha.Mos gjetsh prehje I i Mallkuar! Harram gjiribqe te mekoi O GjAKSOR.