Ata kërkoheshin prej 10 vitesh, por ishin zhdukur si të ishin fantazma. Të premten në mëngjes skuadra speciale e policisë në Reggio Calabria i gjeti dhe arrestoi në një bunker Giuseppe Crea, djalin e bosit të mafias të quajtur Teodori dhe Giuseppe Ferraro, një nga protagonistët e grupimit të Ndraghetas, që operonte në zonën Oppido Mamertina që ka nisur veprimtarinë kriminale në vitet 50’të.
Giuseppe Ferraro
Ai cilësohet si një nga bosat më të mëdhenj të mafias. Gjurmët e tij humbën në vitin 1998, por emri i tij dlite në dritë sa herë që në lagjen ku kishte ndikim ndodhte ndonjë krim. Ai i shpëtoi një aksioni policor në vitin 2012, kur në lagjen Oppido Mamertina kishin ndodhur një seri vrasjesh të organizuar nga Ferraro. Gjyqtarët e Reggio Calabria, dyshonin për një sërë krimesh që përfshinin familjet Mazzagatti-Polimeno në luftë me grupin Ferraro-Raccosta.
Hakmarrje bandash
Disa eksponentë të këtyre familjeve kishin bërë grabitje në kishë dhe për këtë u kritikuan nga Bonarrigo. Një shkëndijë e cila shkaktoi hakmarrje të përgjakshme. Anëtarë të familjeve Ferraro-Raccosta vranë kapon Domenico Bonarrigo. Ndërkohë, Francesco Raccosta i konsideruar vrasësi i Bonarrigos, u vra në mënyrë mizore dhe i’u hodh si ushqim derrave. Lufta midis bandave ka shkaktuar edhe viktima të pafajshme, si vogëlushja 9-vjeçare Maria Angela Ansalone e cila u vra gabimisht gjatë një përplasje me armë mes bandave teksa ishte në automjet me gjyshin e saj.
Një bos i ri
Edhe Giuseppe Crea, i dënuar për përfshirje në aktivitete mafioze, pavarësisht moshës së re ishte bërë një bos i madh. Pas kapjes së babait të tij, ai u vendos në krye të bandës “Rizziconi”. Vitet e fundit policia e kishte atë nën vëzhgim. Ishte një ndër objektivat parësorë të olicisë, pasi Giuseppe Crea konsiderohej ndëj bosët kryesor të Ndraghetas. Vitet e fundit hetimet treguan se ai kishte përfituar qindra mijëra euro duke bërë pastrim parash.
Në të njëjtin bunker
Dy bosat kishin zgjedhur të jetonin në fshehtësi së bashku. U gjetën pas muajsh të tërë gjurmimi. Streha e tyre ishte një bunker, i fshehur në një shkëmb jo shumë lehtë i arritshëm. Ndërtesa ishte e paisur me të gjitha mjete e nevojshme moderne për jetesë. Po ashtu, polciia gjeti arsenal armësh si dhe dokumente të shumta të cilat do të hetohen.
Corriere.it/ Javanews.al
