Pas arrestimit të Ramush Haradinajt mbrëmjen e djeshme në Francë, ka reaguar përmes një postimi në rrjetin e tij social Ministri i Jashtëm Ditrmi Bushati, duke e quajtur vendimin e autoriteteve franceze si të dënueshëm, në kushtet kur drejtësia ndërkombëtare e ka çiruar Haradinajn nga të gjitha akuzat.
Bushati i bën thirrje Francës që ta lirojnë kreun e AAK-së si dhe ka shtuar se çdo përpjekje e Serbisë për të përbaltur Luftën çlirimtare të Kosovës do të dështojë sikurse politikat e tyre të dikurshme genocidiste.
“Ndalimi i Ramush Haradinajt në Francë bazuar në një urdhër arresti të 2004 të lëshuar nga Serbia, është i dënueshëm, kur dihet botërisht se drejtësia ndërkombëtare e ka çliruar atë nga të gjitha akuzat. I bëj thirrje autoriteteve franceze, si një prej shteteve me kontribut thelbësor për Kosovën shtet, të qartësojnë situatën duke liruar menjëherë Ramush Haradinajn.
Çdo përpjekje e Serbisë për të përbaltur luftën çlirimtare të Kosovës do të dështoj sikurse dështuan politikat genocidiste të Millosheviçit në Kosovë, të cilave Ramushi dhe UÇK-ja ju kundërvunë.
Ky akt për fat të keq dëmton procesin e normalizimit të marrëdhënieve Kosovë-Serbi. Proces, i cili kërkon gjurmë provash të pakundërshtueshme, e jo përbetime artificiale, për të ecur me vendosmëri përpara, duke hequr dorë nga provokimet dhe aplikimi i metodave që s’kanë aspak lidhje me të ardhmen e përbashkët të Kosovës e Serbisë në familjen europaine.- shkruan Bushati./java/a.k
