Arrestimi i katër autorëve të dyshuar për grabitjen e 9 Prillit është komentuar nga Kryeministri i vendit.
Përmes Twitter, Edi Rama shkruan se ky është një zhvillim inkurajues për ndëshkimin ligjor të autorëve.
Ai shkon më tej teksa komenton edhe akuzat e opozitës. Sipas Ramës, Policia e Shtetit duhet të provojë sesa më shumë sulmohet, aq më tepër rritet forca e saj goditëse.
“Ndalimi i 4 personave të përfshirë në grabitjen e aeroportit, një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit.
Policia e Shtetit duhet të provojë përditë se sa më shumë sulmohet e baltoset, aq më shumë rritet forca e saj goditëse” – shkruan kryeministri Edi Rama ditën e hënë pas operacionit policor.
/a.rada
