Kush abuzon me fondet e Bashkimit Evropain do të dënohet me tre deri në 7 vjet burg. Nëse ai që shpërdoron fondet fshihet ose arratiset, dënimi ndaj tij do të dyfishohet. Janë këto disa nga parashikimet e reja dhe të ashpra ndëshkuese të përfshira në draft-Kodin e ri Penal.
“Këto masa janë të domosdoshme. Në shumë raste, fondet e BE-së janë shpërdoruar në mënyrë të fshehtë ose nuk kanë mbërritur kurrë tek përfituesit realë. Tashmë, kush guxon të abuzojë, do të përballet me ndëshkime të rënda dhe të menjëhershme”, tha për A2 CNN, ekspertja për ekonominë Romina Radonshiqi.
Kodi i Ri penal parashikon gjithashtu masa më të ashpra ndëshkuese për të gjithë zyrtarët publikë që bëjnë korrupsion. Në raport me Kodin Penal në fuqi, dënimet për ata do të dyfishohen.
“Rritja e dënimeve për zyrtarët që abuzojnë me pushtetin është një hap i rëndësishëm. Nëse duam të ndërtojmë institucione të forta dhe të besueshme, korrupsioni nuk mund të trajtohet më si një shkelje e lehtë.”
Masat ndëshkuese ashpërsohen gjithashtu ndaj individëve të cilët kryejnë veprimtari të pa-lejuara me kriptomonedhat apo ngrenë skema mashtrimi me deklarimin e taksave dhe tatimeve.
“Edhe kriptomonedhat janë pjesë e një ekonomie në zhvillim, por pa rregulla të qarta ato mund të kthehen në mjet për pastrim parash dhe mashtrime fiskale. Është momenti që ligji të veprojë edhe në këtë sektor.”
Në një vend ku çdo euro e ndihmës ka peshën e një mundësie për zhvillim, abuzimi nuk do të jetë më një histori pa autor. Kodi i ri Penal nuk është thjesht një dokument me nene – por një sinjal i qartë se loja me fondet publike ka marrë fund.
K/hajduti eshte i pari,qe duhet te denohet per fondet e be,lule shtyrydhja e k/hajduti vollen 180 milion euro.Nji pjese te ktyre milionave,e moren invesitorte strategjik,gjerq luci e tjerte, si gjergji,pjesen tjeter ja dha k/hajduti lule shtrydhes.Kjo me kto miliona ka ndertuar vila,hotele e resorante lulsoze ne juge te shqiperise.Edhe ne Tirane,ka bere jo pake ndertime,shume kateshe,edhe kto me miratimin e k/hajdutit.