Arnold Schwarzenegger i është nënshtruar përsëri një operacioni të ri zemre, i cili këtë gjë e ka bërë edhe para dy vitesh për të zëvendësuar një valvul pulmonare që ishte implantuar në vitin 1977 për shkak të një defekti të lindur.
Lajmin e ka dhënë vetë aktori në mediat sociale duke postuar një foto në llogarinë e tij të Instagramit ku shihet i shtrirë në shtratin e spitalit.
“Falë ekipit të Klinikës Cleveland, unë kam një valvulë të re të aortës që përputhet me valvulën time të re pulmonare që nga operacioni im i fundit. Ndihem mirë dhe kam shëtitur në rrugët e Cleveland. Faleminderit përfundon ai për mjekët dhe infermierët që më ndihmuan”- me këtë mbishkrim e ka shoqëruar ai foton e postuar.
