Armina Mevlani, blogerja dhe moderatorja e njohur, është shprehur së fundmi e lumtur për partnerin e saj, Shkelzen Berisha. Por jo vetëm kaq, pasi është shprehur e lumtur se tani ka të gjitha gjërat, përfshirë edhe punën që lidhet me atë që ka dashur të bëjë gjithnjë.
Mevlani ka bërë një bashkëbisedim virtual me ndjekësit në “Instagram”, ku fansat e kanë pyetur për jetën e saj private.
Dikush ka qenë kurioz që të dijë që nëse Armina nuk do kishte njohur Shkëlzenin, si do të ishte jeta e saj. Ajo i është përgjigjur se do kishe studiuar jashtë për Master, e sigurisht diçka për modën ose filmin.
Përgjigja e plotë e Mevlanit:
“Mendoj që do kisha studiuar jashtë për Master, diçka e lidhur me modën ose filmin pasi në atë periudhë punoja në një reviste mode dhe më ishte kthyer në pasion.
Planet e mia ishin Londra ose Milani sepse gjatë kohës së Miss World pata edhe oferta të punoja në këto vende për fotomodele, por nuk ishte ajo që doja të bëja në jetë.
Ndihem më shumë me fat që e kam njohur dhe sërish punoj në modë dhe televizion.
Nuk ka gjë më të bukur se sa kur gjen balancë mes dashurisë dhe karrierës. Tani Masteri mbeti në plan të dytë për modë do e bëj së shpejti”.
/a.r
