Në fund të takimit, lajmi u konfirmua edhe nga socialisti Taulant Balla: “Kemi një dakordësi të plotë mazhorancë-opozitë, ku rekomandohet hapja e negociatave dhe caktimi i një date. Lajmi i mirë është që më në fund kemi një dokument të përbashkët edhe me opozitën. Jemi të gjithë bashkë për të punuar për Shqipërinë europiane”, tha Balla.
Me heret, PD beri publik dokumentin e saj me 9 amendamente ne perfundim te mbledhjes, prej te cilave mesohet se jane pranuar 7, ato për blerjen e votës dhe që zyrtarët e lartë të mos kenë mbrojtje, por të hetohen si qytetarë të zakonshëm. Po ashtu janë pranuar tre amendime të propozuara nga deputetja e PD-së Jorida Tabaku për përfshirjen e opozitës, çështjen e pronave dhe koncensionet.
Ne mbyllje te takimit edhe demokrati Genc Pollo u deklarua i kenaqur me dokumentin e arritur mes paleve. “Ramë dakord për rekomandimet. Morëm edhe votat e PS. Por treguam dhe pikat ku nuk jemi dakord. Qeveria bën fajtore opozitën për gjithçka. Ne s’jemi dakord për partneritetet private/publike pasi janë bërë shqetësim në shumë drejtime. Gjithashtu çështja e azilkërkuese, numra shumë të larta. Ikja masive e shqiptarëve nuk është normale. Shqetësim tjetër yni ishte kalimi nga kanabisi te drogat e forta. Por nuk u arrit marrëveshje për lirinë e shtypit,” tha Pollo.
Komisioni i Stabilizim Asociimit/ PD me 9 amendamente, ja çfarë propozon
Partia Demokratike me synim kontributin e saj në njohjen e problemeve të Shqipërisë dhe për zgjidhjen e tyre, ka propozuar sot 9 amendamente mbi rekomandimet ekzistuese dhe disa pika të reja, ne kuader te takimit Komitetit Parlamentar të Stabilizim Asociimit qe nisi punen paraditen e sotme ne Tirane. Mes amendamenteve te PD, eshte ai qe kërkon heqjen e imunitetit parlamentar, kur ai kërkohet nga organet e drejtësisë.
