Specialistët e Seksionit për Hetimin e Trafiqeve të Paligjshme, në Drejtorinë Vendore të Policisë Elbasan, në kuadër të një hetimi të ndjekur me metoda speciale të hetimit, kanë finalizuar me sukses operacionin policor të koduar Dinamo.
Si rezultat i këtij operacioni të finalizuar është bërë e mundur arrestimi i Engjëll. H., 62 vjeç, banues në Elbasan
Arrestimi i tij, u bë pasi gjatë kontrollit të ushtruar në banesën e tij, ku i janë gjetur dhe sekuestruar arsenal armësh, municione luftarake dhe vlera monetare. Policia bën me dije 62-vjeçari dyshohet të ketë patur për qëllim trafikimin e armëve dhe municioneve luftarake në vlera të ndryshme monetare.
Grupi hetimor i ka gjetur dhe sekuestruar në cilësinë e provës materiale:
Një armë zjarri automatik, model 56, kalibër 7.62 mm, me krëhër të vendosur në të me 29 copë fishekë
Një armë zjarri pushkë model 63, kalibër 7.62 mm, me krëhër të vendosur në të me 25 copë fishekë
Një pushkë sportive shul, me krëhër të vendosur në të me 3 copë fishekë
131 copë kartmonedha me prerje 1000 lekë (131000 lekë të reja)
6 kuti me fishekë model 54, kalibër 7.62 mm, me nga 100 copë fishekë secila
45 copë fishekë pushkë sportive
30 copë fishekë model 56, kalibër 7.62 mm
173 copë fishekë model 54, kalibër 7.62 mm
Një armë e ftohtë thikë
Dy aparate telefoni të markave të ndryshme
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën, “Prodhimi dhe mbajtja pa leje e armëve luftarake dhe e municionit”, “Trafikimi i armëve dhe i municionit” dhe “Prodhimi dhe mbajtja pa leje e armëve të ftohta”. / ma.me
