Fati i solli edhe një mundësi tjetër dhe Argjentina duhet ta shfrytëzojë. Bardhekaltërit luajnë sonte në orën 20:00 në Shën Petërburg shansin e fundit për t’u kualifikuar në fazën e 1/8 ndaj Nigerisë.
Për të kaluar më tej Argjentina ka në dispozicion vetëm një rezultat që është fitorja e cila gjithsesi nuk garanton kualifikimin. Në rast fitoreje Argjentina kalon me pikë Nigerinë por duhet të shpresojë në një humbje apo barazim të Islandës me Kroacinë.
Tek Nigeria nuk priten ndryshime në formacion ndërsa tek Argjentina do ketë ndryshime të mëdha. Armani do marri vendin e Caballero në portë,mbrojtja do jetë me katër me Mercado, Otamendi, Rojo dhe Tagliafico në mesfushë do jetë Banega dhe në sulm pritet të luajë Gonzalo Higuain nga minuta e parë.
Trajneri Jorge Sampaoli ka kaluar një javë të vështirë por është i bindur në kualifikimin e skuadrës së tij:
“Jam i bindur se do kalojmë më tej pasi pavarësisht nga ato që thonë njerëzit pasi ne i kemi mjetet për ta bërë një gjë të tillë. Të humbasësh një ndeshje futbolli të bën një kriminel të botës virtual, por kjo nuk më shqetëson”, tha Trajneri Jorge Sampaoli
Tek Nigeria trajneri Gernot Rohr thotë se në futboll nuk ka mëshirë dhe se skuadra e tij është për ta fituar ndeshjen dhe jo për të parë se si luan Messi për të cilin ka komplimente.
Ndaj Islandës do luajë Kroacia B. Trajneri i ballkanasve Zlatko Dalic do bëjë rrotacion por sqaron se duan të mbajnë vendin e parë në grup të cilin e meritojnë. Ndërsa Islanda ka shanse reale për më tej dhe trajneri Hallgrimson nënvizon se kalimi në 1/8 do ishte diçka historike. Kroaci-Islandë luhet në Rostov dhe është ndeshja e fundit në grupin D.
ma.me
