Argjentina dhe Messi jashtë! Bota e futbollit ka një yll të ri

Franca ka shkatërruar Argjentinën me rezultatin 4-3 duke kaluar në çerekfinale. Ndeshja e parë e fazës së nokautit, ashtu siç parashikohej, dhuroi pafund spektakël dhe në fund ishin europianët ata që dolën triumfues nga stadiumi i Kazanit.

Ylli që vendosi gjithçka për francezët ishte Kylian Mbappe i Paris Saint-Germain. Talenti bëri gjithçka për vendin e tij, duke i marrë stafetën Leo Messi-t pasi duket se brenda disa viteve do të jetë një nga lojtarët më të mirë që do të konkurrojë për Topin e Artë.

Ishte pikërisht talenti i PSG ai që fitoi penalltinë pas një sprinti nga 70 metra, me Griezmann që e shndërron në gol. Por një goditje nga hiçi e Di Maria-s nga rreth 25 metra i ka dhënë barazimin argjentinasve.

Pas pushimit latinët kalojnë në avantazh për të parën herë falë një goli me shumë fat të Macado-s. Por Franca nuk dorëzohet dhe Pavard barazon rezultatin me një tjetër perlë nga distanca, mbase goli më i bukur i Botërorit.

Pastaj fillon Mbappe “show”. Talenti ka shënuar dy golat e radhës, njëri më i bukur se tjetri, duke i dhënë fitoren vendit të tij. Messi jashtë, sot mund të themi se zyrtarisht ka lindur një yll i ri.

/telesport/b.d