Gjenerali Reynaldo Benito Bignone, 88 vjeç, diktatori i fundit argjentinas, u dënua me 20 vite burg për krime të shkaktuara gjatë operacionit ”Condor”, të kryera gjatë viteve ’70 të shekullit të kaluar në Amerikën Latine.
Gjykimi për të dhe 17 ish-zyrtarë tjerë ushtarakë zgjati tri vite.
Lideri i juntës së fundit ushtarake në Argjentinë, Bignone, e mbajti pushtetin gjatë viteve 1982-83.
Para dy viteve, ai u dënua me 23 vite burg për shkak të rrëmbimit të 30 punonjësve të një fabrike si dhe torturimin e tyre.
Operacioni ”Condor” u zbatua jo vetëm në Argjentinë, por edhe në vendet e tjera latinoamerikane nën diktaturë si Uruguaj, Brazil, Kili, Paraguaj dhe Bolivi. (javanews.al /r.a)
