Arben Llalla ka reaguar pas deklaratës së Aurel Plasarit, se Napoleon Zerva ka qenë çam. Ai thotë se Plasari bën pjesë në lobin e fshehtë vlleh antishqiptar.
“Studiuesi Aurel Plasari reagon kundër Shpëtimin Idrizit rreth Napolon Zervës se na qenka çam që ka bashkëpunuar me gjermanët. E vërteta është se Aurel Plasari nuk e ka hallin e Zervës, të gjermanëve apo të Idrizit, por Aurel Plasari mbron gjenezën e tij vllehe.
Janë pikërisht vllehët e Pindit ata që bashkëpunuar me italianët dhe gjermanët. Aurel Plasari bën pjesë tek lobi i fshehtë vlleh antishqiptar (ka vlleh proshqiptar që u duhet tu ulim kapelën, respekte për ata vlleh) të cilët grabitën pronat e shqiptarëve në Epir.
Napolon Zerva nuk ishte shqiptar, aq më pak çam. Nëse e do të vërtetën Aurel Plasari Zervat janë vlleh të ardhur në Sul më 1600, ndërsa në 1880 zbritën në Artë.
E këshilloj studiuesin e karriges politike Aurel Plasarin se historia e vërtetë nuk quhet ajo histori që shkruhet nga gjysma e vërtetë e përzier me gjysmë gënjeshtre.
Historia e vërtetë është ajo histori që shkruhet mbi baza të dokumenteve të vërteta, sado e hidhur të jenë ato”, shprehet Llalla.
