Dubai, kampioni i ndërtesave të mëdha dhe të shtrenjta, së shpejti do të ketë konkurrencë nga fqinji i tij nga Arabia Saudite sa i përket ndërtesës më të lartë në botë. Ikona e Dubait “Burj Khalifa”, ndërtesa më e lartë në botë, mund të mos e mbajë më këtë rekord nëse Arabia Saudite arrin t’i përmbahet planit në ndërtimin e “Jeddah Tower”, projekt ky që do të kushtojë rreth 1.23 miliard dollarë, raporton CNN. Qeveria e Arabisë Saudite në një konferencë të mbajtur të dielën ka thënë se kompania Jeddah Economic dhe Alinma Investment kanë nënshkruar një marrë prej 2.2 miliardë dollarë për të ndërtuar qytetin Jeddah, përfshirë këtu edhe kullën më të lartë në botë, transmeton Koha.net. Ndërtesa do të jetë e lartë afër 1 kilometër, dhe parashikohet të përfundojë në vitin 2020.
“Burj Khalifa” e Dubait tani mban rekordin për ndërtesën më të lartë në botë me 827 metra.
