Media kosovare po përcjell një shqetësim të madh, sipas të cilit organizata të ndryshme, me burime terroriste po financojnë në Kosovë. Sipas këtij lajmi, çerdhe fëmijësh, konvikte nxënësish e studentësh janë financuar me fonde të organizatave që pretendohet se kanë përkrahur ekstremizmin islamik në Kosovë dhe kanë lidhje me terrorizmin. Kjo është lejuar nga institucionet e shtetit, sipas “Koha ditore” që i referohet një raporti hetimor të Inteligjencës. Ajo flet për veprimtarinë e pesëdhjetë organizatave joqeveritare dhe njëmbëdhjetë personave që kanë përhapur më së shumti ekstremizmin fetar islam. Kosova në raport portretizohet si “çerdhe” që ndikimi fetar të shtrihet nga institucionet parashkollore.
Çerdhja “Lulishtja e dritave” në Prishtinë është një prej tyre. Pronari i saj, Driton Maxhuni, del se ka lidhje të forta me Hasan Abazin, një nga drejtuesit e Brigadës VII Muxhahedine në Bosnjë. Në krye të financimit është Hassan Ali Al Sarraj me prejardhje nga Iraku…
