Apeli i Krimeve të Rënda ka lënë në burg gjyqtarin Shkëlqim Miri.
Ky i fundit nuk është paraqitur në seancën gjyqësore, për shkak të gjendjes së tij shëndetësore. Gjyqtari mësohet se është shtruar në spitalin e burgut prej katër ditësh dhe ndodhet në gjendje të rëndë.
Ai ka qenë i diagnostikuar me tumor. Avokati i tij ka kërkuar një masë më të lehtë për gjyqtarin, pasi sipas tij gjendja shëndetësore po rendohet çdo ditë e më shumë.
Gjyqtari Shkëlqim Miri dyshohet se mori lekë për një vendim, ku ndryshoi akuzen nga vrasje ne plagosje te rende.
Gjatë kontrollit në banesën e tij, policia gjeti 340 milionë lekë.
Mbrojtja e gjyqtarit kërkoi lirimin e Shkëlqim Mirit, duke pretenduar se një pjesë e shumës prej 34 milionë Lekë që ju gjetën në banesë, i përkasin një të afërmi të tij kurse pjesa tjetër do të përdorej për kurimin e gjyqtarit pasi vuan nga probleme shëndetësore. Ndërkohë, KLD ka pezulluar nga detyra gjyqtarin Shkëlqim Miri deri në përfundim të hetimeve.
a.ç
