Është kufizuar dhënia e kredive për blerje banese. Vendimi i Bankës së Shqipërisë u publikua në fletoren zyrtare dhe parashikon që bankat të mos japin kredi për qytetarët që duan të blejnë shtëpinë e parë më shumë se 85% e vlerës së saj ndërsa në valutë 75 për qind.
Ndërsa ata që kërkojnë kredi për të blerë një shtëpi të dytë vlera e kredisë që do mund të marrin kur është në monedhën lekë do të jetë 80% e vlerës së pronës.
Në një intervistë në emisionin “Sheshi i Dollarit” në ABC News, Eduart Gjokutaj, analist i tregut të banesave, tha se është shumë e rëndësishme që të hartohet një strategji për banesat. Sipas Gjokutaj vendimi i Bankës së Shqipërisë synon rritjen e cilësisë së kredisë.
Ai u shpreh më tej se në këtë rast oferta vjen në forma të ndryshme dhe mënyrat se si regjistrohet kontratat e shitjes lë për të dëshiruar. Ndërsa tha se ajo që ndodh në tregun e ndërtimit, duhet të ketë një raport të qartë dhe qytetarët duhet të sqarohen se sa ndikojnë faktorët e jashtëm apo të brendshëm. Unë do të thoja që BSH duhet të jetë me elastike në reflektimin e normës së interesit. BSH pavarësisht se ndjek një kujdes të caktuar, duhet të shoqërohet me një reformë të tregut që ka nevojë për shumë elemente, në tërësi një rregullator. Duhet të ketë një strategji kombëtare për banesat, si do të zgjidhet problemi me banesa ekonomike, për të rinj, apo për banesa me çmime më të larta.
Nga ana e tij Klodion Sheu nga Departamenti i Stabilitetit Financiar Banka e Shqipërisë, u shpreh se vendimi do të rishihet brenda dy viteve
“Unë mendoj që 100 % banka shkon tek ato familje që kanë të ardhura më të larta apo janë më të konsoliduara. Nëse do kemi stabilitet në çmime këto familje do të përfitojnë”, tha ai.
