Aktorja Anxhelina Xholie do të mbajë kujdestarinë e gjashtë fëmijëve që ka me aktorin Brad Pitt, ndërsa atij i është rezervuar një “vizitë terapeutike”, njoftoi sot media amerikane. Lajmi është konfirmuar nga përfaqësuesja e aktores, sipas të cilës, çifti ka arritur një marrëveshje pas më shumë se një jave, pas konsultimit me punëtorët socialë.
“Kështu vendosën punonjësit socialë në interesin më të mirë të fëmijëve”, u tha në deklaratën të cilën Brad Pit nuk e ka komentuar.
Pit, javën e kaluar, ka kërkuar kujdestarinë e përbashkët të fëmijëve në kontekstin e procedurave të shkurorëzimit. Xholie ka paraqitur kërkesa për divorc më 20 shtator, duke kërkuar kujdestarinë e vetme, me të drejtën e të shoqit për t’i vizituar.
Anxhelina Xholie dhe Brad Pitt janë martuar në vitin 2014 dhe së bashku ata kanë që nga viti 2004. Çifti ka gjashtë fëmijë, të moshës tetë deri në 15 vjet, tre prej të cilëve janë adoptuar, citohet BETA. (b.an)
