Presidenti Ilir Meta i ka kthyer përgjigje shkresës së kryetarit të Komisionit të Ligjeve, Ulsi Manja lidhur me dekretin për shfuqizimin e datës së zgjedhjeve.
Kreu i shtetit e quan një proces të rremë, procedurat e nisura nga ky komisioni për të ankimuar dekretin e tij për anulimin e zgjedhjeve.
Në përgjigjen e tij, kreu i shtetit thekson se vendimi është marrë në mbështetje të plotë me dispozitat kushtetuese dhe në mbrojtje të parimeve themelore që burojnë prej saj.
“Ky dekret është botuar në fletoren zyrtare e për pasojë është i njohur dhe i detyrueshëm për zbatim nga të gjithë përfshi këtu edhe Kuvendin“, thuhet në shkresën që kreu i shtetit i dërgon kreut të Komisionit të Ligjeve, përmes sekretares së përgjithshmë të institucionit, Ornela Zonja.
“Presidenti i Republikës garanton Kuvendin se është në detyrë dhe i gatshëm që me përgjegjësi të plotë të ndërmarrë të gjitha vendimet e rëndësishme që do të diktojë situata dhe interesi më i mirë i vendit“, citohet në përgjigjen e Metës për Kuvendin.
g.kosovari
