Përmes një statusi në Facebook, imami Armand Ali ka rrëfyer takimin që ka pasur me strukturat e policisë së Shtetit, pas një shkrimi që ai ka bërë në Facebook një ditë pas festës së Pavarësisë, ku shprehej se kjo festë nuk duhet të festohej pasi është në kundërshtim me rregullat e islamit dhe konsiderohet haram.
Imami Armand Ali thotë se është marrë për 3 orë në pyetje, ndërsa nuk nguron të bëjë edhe akuza. Kujtojmë se Drejtoria e anti-terrorit në Policinë e Shtetit ka referuar materialet në Prokurori ndaj 44-vjecarit pasi akuzohet për veprën penale “Nxitja e urrejtjes ose grindjeve”.
“ Sikur të kisha dashur ndonjëhere diçka të tillë, tashmë prej vitesh mund të kishtë plasur jo vetëm urrejtje dhe dhunë por ndoshta edhe luftë. Është fare kollaj të prishësh e shkatërrosh por është shumë e vështirë të ndreqësh e rregullosh”, shkruan ai.
‘Ky status i imi nuk ka aspak qellim “kërkimin e faljes” nga askush e as tërheqjen pas nga fetvaja ime. Fetvasë i përmbahem fjalë për fjalë dhe e deklaroj përsëri se besimtarët muslimanë kanë vetëm dy festa, Bajramin e Fitrit dhe Bajramin e Kurbanit. Çdo festë tjetër, me çfarëdolloj karakteri qoftë, nuk është veçse shpikje në fe, bidat, dhe çdo bidat është humbje.
Ndërsa kush nga besimtarët muslimanë do që të tregohet më patriot dhe atdhetar sesa të tjerët, le te festojë çfarë të dojë sepse gjithsecili do të japë llogari për veten e tij.’
