Drejtori i Policisë së Shtetit Drejtues Madhor Haki Çako priti në takim Atasheun Ligjor të FBI-së Jack Liao së bashku me Zv/atasheun Michelle Miller dhe Agjentin Special të Krimeve Kibernetike Dustin Overby. Përfaqësuesit e FBI-së janë oficerë rajonalë të kontaktit, me seli në Sofie të Bullgarisë, me përgjegjësi për marrëdhëniet e FBI-së me autoritetet Shqiptare dhe bëjnë vizita të rregullta koordinuese për të diskutuar çështje me interes të ndërsjelltë të zbatimit të ligjit.
Duke shprehur konsideratën e lartë, Zyra Ligjore e FBI-së, kërkoi që takimin dhe prezantimin e parë ta bëjë me Drejtorin e Përgjithshëm të Policisë së Shtetit Haki Çako.
Atasheu i FBI-së vlerësoi bashkëpunimin e deritanishëm të Policisë së Shtetit me FBI-në, luftën që po bën Policia e Shtetit kundër Krimit të Organizuar dhe Terrorizmit. Çako falenderoi Atasheun e FBI-së për mbështetjen dhe besimin, si dhe theksoi angazhimin maksimal të Policisë së Shtetit me autoritetet e zbatimit të ligjit të SHBA – së për të shkëmbyer informacion në kohë reale mes dy institucioneve për të luftuar Krimin e Organizuar dhe Terrorizmin. Mes të tjerash Çako dhe Liao theksuan domosdoshmërinë e forcimit akoma më shumë të bashkëpunimit mes FBI-së dhe Policisë së Shtetit.
/a.m.
Kjo tregon nje arritje te madhe te policis tone .ju lumte z.cako
Policia me ne fund nje institucion i besueshem nga te huajt , ky eshte sukses .
Po tani me ne fund kemi rritje te bashkepunimit dhe kjo trego rritjen w besushmerise ndaj policise sone