Kreu i qeverisë, Edi Rama, foli pasditen e sotme në aktivitetin “Shqipëria e internetit”, ku shpalosi edhe programin për krijimin dhe përdorimin e zyrave online.
Sipas tij, behët fjalë për një projekt të financuar nga Banka Botërore dhe nga i cili priten më shumë shërbime për qytetarët me qëllim shmangien e rasteve korruptive.
“Jemi duke punuar për të mundësuar krijimin e bazës së të dhënave dhe ndërtimin e një infrastrukture të rëndësishme, përmes një qendre shërbimesh, që do të thotë se njerëzit nuk do të kenë më nevojë të shkojnë nga njëra zyrë në tjetrën, por do t’i kenë të gjitha shërbimet në një qendër të vetme tregtare, e cila do të funksionojë online”- tha Kryeministri në takim.
