Deklarata e djeshme në një të përditshme ruse të kontrolluar nga shteti, në të cilën Basha shprehej se “Shqipëria është një vend në degradim të vazhdueshëm”, është dënuar unanimisht nga 93% e shqiptarëve.
Të dhënat janë siguruar ditën e sotme nga “Lexo.al”, e cila ka analizuar të gjithë komentet e lëna nga lexuesit, në të gjithë portalet që publikuan lajmin.
Lista mëposhtme e komenteve është e paedituar dhe e pafilturar. Asnjë koment nuk është eliminuar, por për arsye etike, janë shënjuar me të kuqe vetëm fjalët e rënda fyese.
Në total janë regjistruar 91 komente, nga të cilët vetëm 6 mbrojnë pikëpamjen e kryetarit të opozitës.
Pjesë dërmuese, mes tyre në masë të madhe edhe shumë demokratë, ndihen të fyer nga deklarata e Bashës në “Rossijskaja Gazeta”.
Në një shkrim të publikuar në këtë gazetë, me titullin “rekord i drogës shqiptare në BE”, Basha i bënte këtë pasqyrim vendit të tij: “Gjatë dy viteve të fundit, ekonomia ka degraduar në mënyrë të frikshme. Fluksi i investimeve ka rënë dhe varfëria është në rritje të pandërprerë. Askush nuk po e lufton korrupsionin. E vetmja gjë me të cilat merret qeveria janë trafiku i drogës dhe i qënieve njerëzore”.
“Rossijskaja Gazeta”, gazetë shtetërore e themeluar në vitin 1990, me tirazh 180 mijë kopie të shtypura në ditë dhe me mbi një milionë klikime unike në ditë në portalin e saj rg.ru. /Lexo.al
