“Edi Rama është i pabesueshëm! Nuk mund ta luftojë krimin e organizuar pjella e krimit dhe avokati më besnik i kriminelëve më të rrezikshëm të vendit.”
Kështu thotë nënkryetari i Partisë Demokratike, Edmond Spaho, duke publikuar një video nga kreu i qeverisë.
Ai shprehet se Edi Rama i bëri trafikantët e drogës, vrasësit, përdhunuesit, deputetë, kryebashkiakë, drejtorë të rëndësishëm në qeverisjen e vet të kriminalizuar.
“Është kaq hipokrit me të ashtuquajturin ligj anti-KÇK, saç ishte dje, kur mbronte kriminelët e tij nga ligji i dekriminalizimit dhe kur mohonte se më Shqipëri nuk mbillej kanabis. Edi Rama është i pabesueshëm dhe i dështuar në luftën kundër krimit dhe pasurive të tij. Është ai që u ka dhënë trafikantëve të drogës leje ndërtimi, që vazhdon t’u japë bosëve të krimit dhe familjarëve të tyre tendera publikë dhe koncesione, duke u dhënë mundësi të pastrojnë paratë e pista”, u shpreh Spaho.
Në këtë linjë shton se vetëm largimi i Edi Ramës është garanci për një luftë të vërtetë kundër krimit të organizuar dhe se shqiptarët duan ndryshim.
/a.r
