Në mbledhjen e radhës së Këshillit Ekonomik Kombëtar, kryeministri Rama deklaroi se janë kryer kontrolle në 94 mijë biznese nga punonjësit e tatimeve që nuk kanë pushuar asnjë ditë.
“Ka një rritje prej 55 milionë të numrit të kuponëve tatimorë të lëshuar. Xhiroja e deklaruar është rritur me 52 për qind, çka tregon se potenciali i aksionit tonë është ende i fortë.
25.457 biznese të reja janë regjistruar në krahasim me tetorin e 2014. Kemi 13.560 punonjës të rinj më shumë se në shtator, në total kemi 66.532 vende të reja pune të formalizuara.
Tema e vjetër në bujqësi është në një pikë kthese, pasi kemi 10.500 fermerë që kërkojnë të pajisjen me NIPT.
Po vendosim rendin ligjor në ekonomi, thirrje të gjithë fermerëve që nëse duan të përfitojnë nga mbështetja me grande dhe kredi të pajisjen me NIPT.
Biznesi i vogël me rritje 56%, biznesi i madh 38% në krahasim me 2014″tha ai.
Rama u është përgjigjur edhe kritikave të bëra në adresë të këtij aksioni nga Dhoma Amerikane e Tregtisë.
“Do të kisha dëshirë që përfaqësuesi i Dhomës Amerikane të Tregtisë të ishte i pranishëm këtu, pasi ta shihja në sy kur flet për aksionin e nisur dhe të tregonte se ca ndodh në SHBA nëse kapet një biznes pa kupon, atëherë të na tregonte ne para se të thotë se masat janë të ashpra, keqardhje.
Barazi para ligjit, t’i kundërvihesh rendit ligjor në ekonomi nuk është aspak e drejtë”tha ai.
