Grupi më i njohur i hakerëve Anonymous ka deklaruar se do të shtojë edhe më shumë sulmet kibernetike ndaj grupit terrorist pas sulmeve të Brukselit. Përmes një videoje të publikuar online një anëtar i grupit thotë se grupi do të vazhdojë kampanjën kundër terroristëve të ISIS-it.
“Kemi mbyllur mijëra llogari të Tëitterit të lidhura me ISIS-in. Kemi thyer llogaritë e tyre bankare dhe kemi vjedhur para nga terroristët. Gjithsesi, nuk do të ndalemi përderisa ata të vazhdojnë sulmet në botë. Do t’i godasim prapë…do të mbrojmë të drejtat për liri dhe tolerancë”, thotë anëtari i Anonymous.
Grupi i njohur i hakerëve një video të ngjashme kishte publikuar edhe pas sulmeve në Paris.
Megjithatë, ata kanë marrë një përgjigje nga ISIS që i quan idiotë duke thënë se ata nuk mund t’u bëjnë asgjë.
