Një burrë anglez, i cili ankohej për faktin se fqinji i tij ishte pedofil, është burgosur me akuzën e pedofilisë.
Darren Higham, nga Warrington, madje kishte dalë edhe nëpër media duke theksuar se nuk e kishin njoftuar se një person që banonte pranë tij ishte i dënuar më parë për krime seksuale me të mitur.
Ankesat i kishte bërë në vitin 1999, duke i kërkuar me ngulm autoriteteve lokale që t’i ndërronin shtëpinë, por sot, 53-vjeçari është arrestuar vetë, për abuzime seksuale me një vajzë 7-vjeçare, për 4 vite me radhë.
Burri u zbulua kur një nga banorët e zonës e pa me vajzën, që kishte arritur moshën 11-vjeçare, dhe bëri denoncim në polici. Më pas, vajza pranoi abuzimet seksuale te prindërit e saj, gjë që çoi në arrestimin e Higham.
/a.r
