Ankaraja i kërkoi sot Berlinit të sqarojë etiketimin ndaj Turqisë, se kjo e fundit është një platformë qëndrore për grupimet islamike.
Kjo kërkesë për sqarim u bë pasi shtypi gjerman publikoi një dokument konfidencial të qeverisë.
“Akuzat janë një dëshmi tjetër e qëndrimit të njëanshëm, që ka për qëllim të demoralizojë vendin tonë, duke synuar presidentin dhe qeverinë tonë”, deklaroi sot Ministria e Jashtme turke.
Në deklaratën e saj, ministria i kërkoi Gjermanisë të japë sqarime lidhur me komentet.
Dokumenti zyrtar, i publikuar nga televizioni shtetëror ARD, thotë se,”Islamizimi i politikës së brendshme dhe të jashtme të Turqisë e ka bërë vendin një qendër për grupet islamiske”. /r.a
