Panorama raporton se kjo është hera e tretë brenda sezonit turistik kur anijet greke derdhin naftë dhe vaj në ujërat shqiptare.
Sipas saj, ujërat e Dhërmiut dhe Himarës u veshën edhe dje me vaj dhe naftë, duke alarmuar pushuesit të cilët nuk u futën në ujë nga frika e ndotjes.
Pronarët e restoranteve dhe hoteleve në këtë zonë mendojnë se kjo është e qëllimshme. “Derdhja e vajrave dhe naftës në det bëhet qëllimisht në kohë sezoni turistik për të ndotur detin tonë dhe për të larguar pushuesit,” tha një prej tyre. Ata u kërkojnë nga autoritetet të merren masa, ndërkohë që anijet greke, por edhe italiane, derdhin vajin dhe mbeturinat në det, për të mos i dorëzuar në portet përkatëse, duke shmangur kështu pagesat.
