Anija “Butrinti” e Forcës Detare niset në operacionin e NATO-s “Sea Guardian” në detin Egje. Në ceremoninë e nisjes së kontigjentit të shtatë në këtë mision ka marrë pjesë edhe ministrja e Mbrojtjes, Olta Xhaçka.
Ajo ka vlerësuar se “Butrinti” është e pajisur me fjalën e fundit të teknologjisë mbrojtëse, ndërsa një mesazh të drejtpërdrejtë pati për ushtarakët shqiptarë të angazhuar në këtë mision.
“Jeni një shembull shumë i mirë për të gjithë qytetarët e Republikës sonë. Me vetëmohim jeni angazhuar në të gjitha situatat e vështira të ardhura edhe nga natyra.
Jeni të parët në përballimin e çdo vështirësie. “Butrinti” do ta çojë më përpara emrin e mirë që FA kanë vendosur në çdo mision të Aleancës. “Butrinti” e mirëpajisur me fjalën e fundit të teknologjisë mbrojtëse”, u shpreh Xhaçka.
“Oriku” shërbeu për rreth 1 vit në detin Egje, duke marrë pjesë në shumë operacione shpëtimi.
Ndërkohë, veç anijes “Butrinti” do të pajisen me armatim edhe 3 anijet e tjera, “Iliria”, “Oriku” dhe “Lisus” të cilat do jenë të denja për operacione në det.
