Një liqen artificial do të lejojë të pasionuarit pas sportit të sërfit që të mos humbasin kohë në det duke pritur dallgët, pasi do të prodhojë rreth 1000 të tilla në orë.
I quajtur pikërisht “Dallga”, liqeni artificial ka kushtuar 25 milionë paund, dhe hapet këtë fundjavë në Bristol të Anglisë. Për të përfunduar projektin u deshën nëntë vite dhe 26 milionë litra ujë. Dallgët arrijnë deri në dy metra lartësi dhe u lejojnë sërfistëve të argëtohen dhe sfidojnë veten njëlloj si të ishin në det.
