Skuadra e Louis van Gaal e nisi fuqishem ndeshjen ndaj Arsenalit duke shënuar dy gola brenda 3 minutave, qe u shënuan nga talenti i Manchester Unitedit, Marcus Rashford, i cili debutoi në Premierligë me ‘Djajtë e Kuq’.
Rashford golin e parë e shënoi në minutën e 29-të dhe të dytin në atë të 32-ë, në ndeshjen që u zhvillua në Old Trafford.
Golin tjetër për Unitedin e shënoi mesfushori Ander Herrera, që u asistua nga i riu Marcus Rashford. Golat për Arsenalin i shënuan Danny Welbeck dhe Mesut Ozil.
Kjo ishte ndeshje e dytë e Rashford me fanellën e Unitedit. Ai debutoi në mesjavë në Europa League ku shënoi dy gola dhe tashmë ka katër gola në vetëm dy ndeshje.
Pas kësaj fitoreje, Unitedi ka grumbulluar 44 pikë dhe gjendet në vendin e pestë në tabelë. Kjo humbje e lë Arsenalin në vendin e tretë në tabelë me pesë pikë më pak se lideri Leicester City.
