Duket se aktorja Angelina Jolie kishte menduar gjithçka para se të paraqiste kërkesën për divorc nga bashkëshorti i saj, Brad Pitt. Mësohet se pak javë më parë, Angelina ka marrë me qira një shtëpi në Malibu. Në fotot e publikuara nga ‘Daliy Mail’, shihet ‘strofulla’ luksoze, ku gjithçka duket se është shumë sekrete, ku do të transferohet ajo bashkë me gjashtë fëmijët e saj, për të cilët u deklarua se Pitt kishte ushtruar dhunë.
Mësohet se 41-vjeçarja do të paguajë 95.000 USD çdo muaj për banesë, të cilën e kishte marrë 3 javë para se ajo të paraqiste në gjykatë e Los Angeles më 19 shtator kërkesën për divorc nga burri i saj. Aktorja në kërkesën e saj për divorc kishte shkruar: “Papajtueshmëri dhe dallime”, ndërsa ka kërkuar edhe kujdestarinë e fëmijëve të saj, tre të tyre dhe tre fëmijëve të adoptuar. Çifti është njohur në vitin 2004 gjatë xhirimeve të filmit “Mr. and Mrs. Smith” dhe në vitin 2014 u martuan.
Ky do të jetë divorci i tretë për Jolie, e cila ka qenë e martuar me yllin e “Sherlock”, Johnny Lee Miller, si dhe Billy Bob Thornton. Ndërsa Pitt ka qenë i martuar me aktoren Jennifer Aniston, e cila përfundoi në vitin 2005, pikërisht për shkak se u zbulua marrëdhënia e tij me Jolie, të cilën e takoi gjatë punimeve për filmin “Mr. dhe Mrs. Smith”.
