Aktorja Angelina Jolie ka dënuar ashpër komentet e kandidatit për president në SHBA, Donald Trump, në lidhje me myslimanët. “Amerika është ndërtuar nga njerëzit që vijnë nga e gjithë bota, veçanërisht për shkak të lirisë fetare,” ka thënë Jolie, transmeton koalb.com.
“Prandaj, të dalësh kundër kësaj ideje është e vështirë për mua ta dëgjoj nga dikush që kandidon si president,” ka shtuar ajo.
Në dhjetor të vitit të kaluar Trump gjatë fushatës së tij tha se mylsimanët duhet ndaluar të hyjnë në Shtetet e Bashkuara. Ai këtë koment e bëri pas sulmeve terroriste në Paris, ku mbetën të vdekur 130 njerëz. Jolie këto komente i ka bërë gjatë një interviste për BBC, ku ndër të tjera ka theksuar se sistemi ndërkombëtar për refugjatët është duke shkuar drejt shkatërrimit.
ma.me
