Anëtari i Komisionit të Ankimimeve dhe Sanksioneve pranë Komisionit Qendror të Zgjedhjeve, Ledio Braho, në një intervistë për “Ora News” sqaroi procesin e organizimit të zgjedhjeve të parakohshme vendore në Bashkinë e Kukësit.
Braho theksoi se pa u zgjidhur konflikti brenda organeve të vetë Partisë Demokratike në Gjykatën e Lartë, problemet brenda kësaj partie do të vazhdojnë.
“Zgjedhjet e 14 majit në atë kohë ishte kryetar i komanduar Enkelejd Alibeaj. Dhe në atë kohë edhe KQZ-ja, edhe KAS pranoi që Lulzim Basha kishte dhënë dorëheqjen në atë kohë. Propozimi që ishte komanduar z. Alibeaj nga Basha u pranua si akt ligjore dhe ndaj në atë kohë gjykata vendosi që ta njohë atë vendim dhe atë si kryetar të komanduar të Partisë Demokratike.
Më pas në korrik kryetar i PD-së u zgjodh Lulzim Basha, por ndërkohë vetë z. Basha ishte dorëhequr si kryetar.
Dhe këtu ishte ndarja e anëtarëve të KAS-it në 3 me 2. Pasi ka një konflikt brenda organeve të partisë, pas dorëheqja e Enkeljed Alibeajt pas zgjedhjeve të 14 majit dhe ajo e Lulzim Bashës u pranuar nga Këshilli Kombëtar i PD-së.
Pra në të njëjtën kohë Këshilli i PD-së i ka pranuar të dyja dorëheqjet dhe jemi në kushtet ku është i paqartë se kush është kryetari i PD-së, pasi edhe brenda vetë organeve të PD-së ka mosmarrëveshje juridike.
Zgjidhja ligjore patjetër që do të marrë kohë. Pasi çështja duhet të zgjidhet në Gjykatën e Lartë, dhe pa një vendim të tillë nuk mund të ketë një vendimmarrje nga ana e Gjykatës së Tiranës e cila vendos se kush është kryetari i PD-së”, u shpreh ndër të tjera, Ledio Braho, anëtari i KAS-it pranë KQZ-së.
/f.s
