Ish-trajneri i Chelseat dhe Real Madridit, Carlo Ancelotti, thotë se Manchester Unitedi do të ketë sukses nën urdhrat e trajnerit të njohur portugez Jose Mourinho.
Mourinho pritet të konfirmohet si trajneri i Unitedit më vonë gjatë javës, pas shkarkimit të holandezit Louis van Gaal, referon Koha.
Sipas Ancelottit, “Special One” është zgjedhje e duhur për “Djajtë e Kuq”.
“Mourinho do të jetë nënshkrim fantastik për Unitedin për të përmirësuar dhe për të qenë më të mirë se në dy vjetët e fundit. Puna e Van Gaalit nuk ishte e lehtë. Ai kishte detyrë të rikrijonte ekipin”, ka thënë italiani për “BBC”, transmeton koha.net.
“Sir Alex Ferguson dhe shumë lojtarë u larguan andaj është dashur të rikrijonin identitetin dhe personalitetin e ekipit. Duhet kohë. Në futboll, duhet kohë për të krijuar diçka”. (b.an)
