Trajneri i ri i Bayernit, Carlo Ancelotti, ka akuzuar pronarët e Manchester Unitedit dhe Arsenalit për “fokus në fitime sesa suksese të klubit”.
United ka për pronar familjen Glazer që nga viti 2005, derisa Stan Kroenke ka shumicën e aksioneve të Arsenalit në pesë vjetët e fundit.
Të dy pronarët kanë edhe klube të futbollit amerikan dhe Ancelotti thotë se ata nuk janë të interesuar për klubet e tyre.
“Është e pabesueshme se çka ka ndodhur te Unitedi e Arsenali. Të dy trajnerët, Arsene Ëenger e Alex Ferguson, kanë bërë punë fantastike sa ishin aty. Mendoj se dallimi tash është që pronarët e klubeve janë në Amerikë dhe nuk janë të pasionuar.
Ekzistojnë dy aspekte në futboll – rezultati dhe aspekti financiar. Mendoj se dy klubet më shumë janë të interesuar në aspektin financiar”, ka thënë ai për “talkSPORT”, transmeton koha.net.
“Një vit mund të fitosh dhe të arrish Ligën e Kampionëve, por gjëja më e rëndësishme për pronarët është situata financiare. Për klubet tjera si Milani e Real Madrid, më i rëndësishëm është rezultati”, ka shtuar italiani. (b.an)
