Nga analiza me ekspertë elektoralë per ndarjen e mandateve sipas votave të vitit 2013, nëse LSI-ja kandidon më vete dhe PDIU dhe FRD i bashkohen Partisë Socialiste, koalicioni i ri do kishte 72 mandate, ndersa LSI e vetme 11. Por mazhoranca do ishte më e dobët se ajo e Berishës në 2009-n.
“Nëse më 19 qershor Edi Rama ose Lulzim Basha konfirmojnë me koalicionet e tyre 71 mandate, LSI do të jetë në opozitë”, tha pak ditë më parë Meta.
Opsioni që Ilir Meta del vetëm në zgjedhje nuk është i pamundur, por a mund të marrin dy partitë e mëdha 71 mandate pa Ilir Metën?
Me këtë sistem elektoral, LSI-ja është provuar dy herë si forca pa të cilën dy partitë nuk mund të krijojnë një qeveri të qëndrueshme. Në 2013 Partia Socialiste mori 65 deputetë, dy aleatë të vegjël nga një dhe LSI-ja 16 deputetë, duke e çuar koalicionin Rama-Meta në 83 deputetë. Ndërsa koalicioni i Partisë Demokratike me republikanët dhe PDIU-në mori 57 deputetë.
Por pas 4 vjetësh skena politike ka ndryshuar. PDIU është pjesë e qeverisë PBDNJ është pjesë e opozitës. FRD-ja e Bamir Topit, në aleancë zyrtare me Edi Ramën. Ndërsa është krijuar edhe LIBRA e Ben Blushit, efektet elektorale të së cilës tani mungojnë, megjithatë një llogari për numrin magjik “71” nuk është e pamundur.
Bazuar në rezultatet e partive në 2013-n, me konfigurimin e të 12 qarqeve, me PDIU-në dhe Bamir Topin në koalicion me Edi Ramën, me LSI-në të ndarë nga Partia Socialiste, me PBDNJ-në dhe Aleancën Kuqezi në koalicion me PD-në rezultati është surprizues. Koalicioni i Edi Ramës ka 72 mandate, ai i Lulzim Bashës 57, ndërsa LSI me 11 mandate, duke humbur 5 nga dalja vetëm në zgjedhje.
Llogaritë e bëra së bashku me ekspertët zgjedhorë tregojnë se LSI humbet një mandat në Berat për shkak të uljes së numrit të deputetëve në qark nga 8 në 7, humbet një mandat në Elbasan, një në Fier, një në Lezhë, dhe një në Tiranë.
Shumica e partive të tjera të vogla nuk ka ndryshime, pavarësisht konfigurimeve të koalicioneve.
Edhe me socialistët në koalicion, sipas rezultateve të 2013-s, PDIU merr 4 mandate që çojnë në 71 mandatet e koalicionit të Edi Ramës, që i shtohet edhe një mandat në Tiranë nga FRD-ja e Bamir Topit.
Këto rezultate mund të ndryshojnë me realitetin elektoral më 18 qershor, por janë një bazë që partitë të bëjnë lëvizjet taktike deri në momentin e fundit. Ndoshta prandaj Edi Rama u shfaq i qetë të mërkurën dhe për herë të parë foli për një fushatë jo në koalicion me LSI-në.
“Ne nuk po presim LSI-në. Ne po ecim drejt në rrugën tonë bashkë me LSI dhe do shkojmë në zgjedhje secili me programin e vetë, me alternativën e vetë, pavarësisht se jemi apo s’jemi në një koalicion dhe shqiptarët do të gjykojnë. Ku është problemi këtu?”, tha Rama në një emision televiziv.
Problemi mund të jetë sepse LSI ka treguar sukses në lëvizjet e minutës së fundit dhe ndërkohë që trendi i partisë së Metës ka përcaktuar se kush qeveris në vend që nga viti 2005, historia ka treguar se mandatet qeverisëse me numrin magjik por minimal të deputetëve, 71, kanë qenë të mundimshme për vendin. Ndoshta kjo është arsyeja pse Rama i referohet aleancës me LSI si “koalicioni i reformave”, magjia e të cilave zakonisht prishet pikërisht nga numri 71. TCH
Cuditem se si i nxjerrin keto shifra per LSI. Ne koalicion me PS merr 16 deputete, kurse me vete 6 me pak, pra 10-11 deputete!!! Sipas rezultatit te 2013!
Shifrat jane keto: Vota reale dhe te qendrueshme te LSI jane 70- 80 mije,aq sa ka marre ne vitet 2005 dhe 2009. Ne vitin 2013 bleu me pare ne dore 100 mije vota dhe shkoi 180 mije. Ne 2015 bleu edhe 80 mije te tjera dhe shkoi 260 mije. Nese LSI-se i bllokohet blerja e votave, duke llogaritur edhe gjithe avantazhet qe i jep te qenurit ne pushtet, LSI merr maksimumi 110- 120 mije vota. Kjo shifer mund te kete firo te tjera ne rast se del me vete, pasi tremben dhe i ikin plot votues te administrates shteterore.
Pra ne rast se i bllokohet blerja e votes, LSI merr maksimumi 10-11 deputete ne koalicion me PS dhe jo me shume se 6 deputete duke dale e vetme.
U bera kurioz dhe kerkova ne internet se sa vota ka marre Meta qe kur krijoi partine e tij dhe ishin ekzakt ato qe jep ti Andi.Nuk jam dakord me ty vetem per shpjegimin qe ti jep se si arriti Ilir Meta te marre deri 260.000 vota nga 70.000 qe kishte ne dy zgjedhjet e para kur doli i vetem.Ti thua se eshte blerja e votes me para ne dore.Nuk eshte vetem kjo.Po aq vota sa siguron nga blerja e votes me lek ne dore,Meta i siguron edhe nga te punesuarit ne shtet duke shfrytezuar ne maksimum idiotesine e Rames qe i ka dhene LSI me shume se gjysmen e administrates kur u nda pushteti ne 2013.Prandaj Like Floriri do qe me cdo kusht te jete ne keto zgjedhje ne koalicion me PS edhe pse ne javet e fundit po poshterohet gjithe kohen nga Edi Rama.Duke hyre edhe ne keto zgjedhje ne koalicionin qeverises ai ju jep besim dhe siguron voten e atyre qe ka punesuar.Prandaj sulmoi me te gjitha baterite policine dhe SaimirTahirin,sepse policia e ka ne dore qe ti lejoje ose bllokoje sekseret e blerjes se votes neper fshatra dhe qytete te vogla e te varfra.Hiqi votat e blera dhe hiqi votat qe vijne nga pushteti do te shohesh se si lsi nuk merr as gjysmen e votave qe ka marre deri tani