Gazetari dhe pedagogu Ilir Yzeiri ka komentuar zhvillimet me te fundit politike ne vend, lidhur me protestën e opozitës dhe qëndrimin e tyre prej 60-ditësh në çadrën e ngritur para kryeministrisë. Yzeiri komenton dhe rolin që ka PS dhe LSI në zgjidhjen e krizës.
Duke analizuar protestën e opozitës në çadër gazetari Yzeiri u shpreh: Protesta e PD nuk ka sens, jam kundër bojkotit të PD, protesta është paqësore, dhe nuk ka trazira. Nuk e kuptoj çfarë proteste është se sa mbaron një fjalim nisin këngët.
Lidhur me rolin e Partisë Socialiste dhe nëse Rama duhet të japi dorëheqjen dhe të pranojë kushtet e opozitës për qeveri teknike, Yzeiri tha që të drejtën për të mandatuar qeveri e ka Kuvendi. Yzeiri u pyet dhe për rolin e LSI-së në zgjidhjen e krizës politike.
“LSI përpiqet për të amortizuar të dy krahët politike, ka luajtur rol jo konstruktiv duhet të ishte pozicionuar. LSI ka rastin e artë për ta zgjidhur krizën. Fjalët boshe nuk çojnë asgjëkund duke thënë jemi për zgjidhje, jemi të hapur etj”, u shpreh Yzeiri per Raport.tv.
Rolin e presidentit Nishani në zgjedhjen e krizës ai e quajt si një rol garantues i kushtetueses.Duke komentuar klasën politike Yzeiri e quajti si një klasë politike të papjekur, dhe me krizën politike jeta ekonomike e vendit nuk është bllokuar.
