Kreu i PAA, Agron Duka, u shpreh skeptik sa i përket amnistisë fiskale që mazhoranca ka gati. Në studion e emisionit “Java në RTSH”, Duka tha se paratë informale nuk duhen kërkuar te biznesi, por te politika dhe krimi.
“Sot në Shqipëri nuk ka asnjë biznes të madh që nuk ka marrë kredi, apo që nuk është në borxh. Madje emrat më të njohur të botës së biznesit janë të gjithë kreditorë nëpër banka. Edhe emigrantët që kthehen për të investuar, dihet që nuk kanë asgjë informale pasi paranë e qarkullojnë përmes veprimeve bankare. Kështu që amnistia fiskale nuk vlen për këto kategori. Paraja informale është siguruar vetëm nga trafiku, krimi dhe politika” – tha Agron Duka.
Në panelin e “Java në RTSH”, kreu i PAA shtoi se kryeministri Edi Rama po kërkon të sigurojë pushtet të palimituar. Ai sqaroi edhe pjesëmarrjen e opozitës në mitingun e thirrur nga Ilir Meta.
“Në protestë unë pashë shumë të majtë të zhgënjyer. Ne nuk dolëm për Ilir Metën, por për kauzat që ne dhe qytetarët mendojmë se janë të drejta” – shtoi Agron Duka mbrëmjen e së premtes.
/a.r
https://www.youtube.com/watch?v=1NFjad5v5ME
