“Moderna”, një kompani farmaceutike nga Cambridge, Massachusetts dhe e renditur në bursën e Nju Jorkut të Nasdaq (Mrna), pretendon se është afër asaj që duket se është vaksina e parë e Coronavirus. “Moderna” e njoftoi atë brenda natës, me tregje të mbyllura.
Rezultati, i marrë falë bashkëpunimit me Niad (Instituti Kombëtar i Alergjisë dhe Sëmundjeve Infektive në SHBA) dhe Qendra Amerikane e Kërkimit të Vaksinave (Vrc), u zhvillua në uzinën Norëood, dyzet kilometra në jug të Bostonit. Sipas asaj që u njoftua, vaksina do të ishte e gatshme për t’u testuar te njerëzit.
“Moderna” dërgoi disa shishka vaksinash eksperimentale nga Norëood tek Instituti Kombëtar i Alergjisë dhe Sëmundjeve Infektive (Nih) në Bethesda, Maryland. Instituti pritet të fillojë provat klinike deri në fund të prillit në rreth 20-25 vullnetarë të shëndetshëm, duke kontrolluar nëse dy doza të vaksinës janë të sigurta dhe do të shkaktojnë një përgjigje imune që ndoshta mund t’i mbrojë nga infeksioni. Rezultatet fillestare të testit mund të jenë të disponueshme midis korrikut dhe gushtit. Ndërsa një vaksinë mund të dalë në treg jo më herët se viti 2021. Imunologu Anthony Fauci, kreu i Nih, tha se është e mundur që përhapja e koronavirusit të ulet gjatë muajve të ngrohtë, por Corona do të kthehet dimrin e ardhshëm dhe do të bëhet si virusi sezonal, siç është gripi, duke e bërë të dobishme përdorimin e një vaksine.
