Numri i rasteve me COVID-19 në Amerikën Latine dhe Karaibe kaloi sot pragun prej katër milionë, gjysma e të cilave në Brazil, sipas shifrave zyrtare.
Rajoni është një prej më të prekurve nga COVID-19 me 4 040 925 kontaminime dhe 172 886 të vdekur.
Vetëm Brazili ka regjistruar 2,23 milionë raste, duke u bërë vendi i dytë në botë më i prekur nga COVID-19 pas SHBA-së.
Gjigandi amerikano-jugor regjistroi një numër rekord të rasteve të reja me koronavirus në 24 orë, rreth 67 860. Sidoqoftë, ekspertët besojnë se kjo shifër është nënvlerësuar kryesisht duke marrë parasysh numrin e ulët të testeve të kryera në vend. Virusi ka shkaktuar vdekjen e 82 771 personave.
Meksika, vend latino-amerikan, më i prekuri pas Brazilit, kaloi dje pragun prej 40 000 të vdekur dhe Peruja pragun prej 17 000.
g.kosovari
