Ambasadorja amerikane Yuri Kim dhe ai i Bashkimit Europian, Luigi Soreca kanë zhvilluar një takim me anëtarët e Këshillit Rinor në Shtëpinë e Evropës.
Gjatë takimit palët kanë diskutuar çështjet aktuale dhe temat që ndikojnë të rinjtë në Shqipëri.
Sipas njoftimit të ndarë nga ambasada, grupi ndau ide në lidhje me arsimin, politikën e jashtme, partneritetet urbane dhe rurale dhe ndikimin e Covid-19.
Ndërsa ambasadorja Kim inkurajoi udhëheqësit e rinj për të nxitur ndryshime duke bërë pyetje, duke menduar në mënyrë kritike dhe duke njohur rolin e tyre të rëndësishëm në formësimin e një të ardhme të begatë dhe të suksesshme për veten dhe vendin e tyre./m.j
