Ambasadorja e Kosovës në SHBA, Vlora Çitaku ka reaguar pas asaj që ka bërë presidenti serb, Tomislav Nikoliç në Indonezi, duke i falënderuar për mosnjohjen e Kosovës.
“Urrejtje, e turpshme, e pandershme, e pasaktë dhe komente nxitëse nga ana e presidentit serb në Daka”, ka shkruar ambasadorja kosovare në SHBA, Vlora Çitaku, transmeton Koha.net.
Ajo citon Nikoliçin teksa ka thënë se njohja e sovranitetit të Kosovës, mund ta çojë ISIS-in që të vetëshpallet si një shtet, i cili do të përbëjë një problem botëror, duke shtuar se kjo nuk është hera e parë që zyrtarët serb e krahasojnë Kosovën me ISIS-in.
“Vetëm mund ta imagjinoj zemërimin që do të shkaktohej nëse liderët kosovarë do të deklaronin diçka që nuk është vetëm e pasaktë dhe nxitëse, por edhe shkelje e drejtpërdrejtë e frymës së dialogut në rajon.
A është duke i kushtuar dikush vëmendje se çfare po thotë ky vend kandidat për BE”, ka përfunduar Çitaku.
Zonja ambasadore, pajtohem me reagimin tënd ndaj deklaratave të çetnikut Nikoliq, por kam edhe një vërejtje: Daka nuk gjendet në Indonezi, por në Bangladesh. Këtë besoj se e dini, me siguri nga ngarkesa qe keni, ju ka përvjedhur ky lapsus calami!