Ambasadorja amerikane në Tiranë, Yuri Kim ka takuar ditën e sotme Presidentin e Shqipërisë, Bajram Begaj. Ambasadorja ka theksuar mbështetjen e SHBA-së për rrugën e Shqipërisë drejt BE dhe shprehet entuziaste për forcimin e mëtejshëm të marrëdhënieve. Ajo ka përgëzuar Shqipërinë për mikpritjen e treguar në Samitin e djeshëm BE-Ballkani Perëndimor.
“Faleminderit President Bajram Begaj për mundësinë që më dhe për të shprehur mirënjohjen lidhur me mikpritjen e Shqipërisë në samitin BE-Ballkani Perëndimor. Është hera e parë që ky Samit mbahet jashtë Brukselit.
Amerika mbështet fuqimisht përpjekjet e Shqipërisë për të ndërmarrë hapat e nevojshëm duke përfshirë reformën në drejtësi, drejt rrugës në BE.
Ne rishikuam gjithashtu arritjet në vitin 2022, si aleatë të NATO -s, anëtarë të Këshillit të Sigurimit të OKB-së dhe miqtë më të mirë, që i sollën marrëdhëniet SHBA-Shqipëri në nivele të larta historike.
Mezi presim të bëjmë edhe më shumë së bashku në 2023 për të forcuar bashkëpunimin amerikano-shqiptar në demokraci, mbrojtje dhe biznes”, tha ambasadorja.
/s.f
